المسنجر أحبه لأسباب وأكرهه لأخرى. وخلينا نسوّي The Good & The bad على قولة جيم سبوت.
The Bad:
كيف حالك
كم عندي القائمة؟ 100 وعليها, تقريبًا 30 منهم يتصلون بشكل منتظم, 15 بس أتكلم معاهم. ولمن أدخل, مباشرة تشوف أنواع الهجمات الكيف حالية, وما عندي مشكلة أقول الحمد لله, بس السؤال ذا يقتضي إني تعكسه لصاحبه حتى ما تكون فظ, ووقتي قاعد يروح على الفاضي, Just cut to the chase dammit! 
فلان قام بتسجيل دخول
فلان قام بتسجيل دخول.
فلان قام بتسجيل دخول.
فلان قام بتسجيل دخول.
فلان قام بتسجيل دخول.
فلان قام بتسجيل دخول.
إللي أتكلم عنه مو لمن كل مرة يجيك واحد دخل, لو هذه المشكلة, عادي أعطّل الخاصية And live happy ever after, بس بعضهم لمن يسوي تسجيل دخول, يحوّل أوفلان, بعدين أونلاين, ويكرر هذه الحركة, وتشوف المربع حق التنبيه يوصل لين أعلى الشاشة, ارحمونا يا ناس.
إش رايك بموضوعي
انتهت مع انتهاء رقابتي في منتدى المنتدى. 
طفشان
أول شيء ينتُفك بـ كيف حالك, ولمن تنتهي السالفة ذي, يجلس يقول لك “ياخي ملل”, “ياخي طفش”, وصراحة مدري إش الهدف بالضبط, يعني هو قاعد يفتح سواليف ذحين, ولا عندي علاج ملله, روح سلّي نفسك بأي شيء And stop dragging me into this.
إش تسحرت أمس؟
ما قد واجهتها صراحة, بس كنت أكلّم البيتي, أو أوروبيتشي, وقال لي كيف حالك, فسخطت, فقال: اشبك ياخي, احمد ربك ما قلت “إش تسحرت أمس؟”. طبعًا في رمضان ذا الكلام. ما واجهتها زي ما قلت, إذا مرت علي, راح أكرهها أكيد.
أحبها وحبتني ومدري مين حبها وحنحبهم
نك نيمات صرمانة, مدري إش تبى. 
حمد
يقول حمد, يستناني أقول له: نعم. بعدين يكمل كلامه, ياخي اُنكُت عفشك مرة وحدة وإحنا حنقرا, ترى كل شوية كليك على نافذة الحوار تطفش. (&)
سمايلات مسطولة
من جد, لمن واحد يعلّق على شكل أبله معين, ما أتخيله إلا بنفس شكل السمايل, دلخ معتوه حالته حالة. 
The Good:
أبو مدد, أوستن, وماكسيم في محادثة وحدة
أنواع الشطحات, البياتة, الضحك الوناسة. 
سهرات متأكسسة
سنيكنج كينج, بيبر, ديدلي باث, تاو, مدد, ماكسيم, أوستن, مستطاع, أولد سنيك, أبو ربش, والجماعة. وأخونا طبعًا “سوكو هنا”, الحلو فيها إنه ما الردود مهي بسرعة خرافية, كل واحد يستنى غيره يخلص كلامه, يعني أخذ وعطا جماعي ومنتظم.
Tha Last Fantasy
My msn shines when he’s there.
And yeah, I like those OST’s I get form him.
PSP Online
لمن ألعب مع أحد, أكون معاه في المسنجر, وأنواع الحش لمن أمتلكهم, وسط اللعب طبعًا, وإذا كانت اللعبة MPO, أخدره وأنبطح عليه, وأشوف أحلى ردة فعل في المسنجر “إش قاعد تسوي !11!!!1!”
المقيمين في غير السعودية
“بالله شوف لي ذا الموقع محجوب عندكم؟ طيب تقدر تحمل الملف وترسله لي؟ ثانكيو.”
أييييه يا Last Snake. 
Final Fantasy9
واحد ضافني معاه في محادثة, وكنت طالع, فقلت هذا إيميلي ضيفني ونتكلم بعدين, المهم ما ضافني, مرت السالفة بشكل عادي, بعدين اكتشفت إنه ما ضافني لأني شيعي !1!! أو لأنه حسبني شيعي, طيب لو شيعي يعني, حآكلك؟
لاحقًا صرنا نتكلم كثير, ودايمًا المحادثات حماسية, يذكر إنه مصمم, بس ولا عمره أهداني تصميم, ما قلنا لكم جيل فاسد.
What else? I can’t think more.